ДЕРБЕС ДЕРЕКТЕРМЕН ЖҰМЫС ІСТЕУ САЯСАТЫ

«UG Аукат» жауапкершілігі шектеулі серіктестігі

1. Жалпы ережелер

1.1. Осы Дербес деректерді өңдеу саясаты (бұдан әрі — «Саясат») Қазақстан Республикасының 2013 жылғы 21 мамырдағы № 94-V «Дербес деректер және оларды қорғау туралы» Заңына (бұдан әрі — «Дербес деректер туралы заң») және Қазақстан Республикасының өзге де нормативтік құқықтық актілеріне сәйкес әзірленді.

1.2. Саясат «UG Аукат» ЖШС (бұдан әрі — «Оператор») жүзеге асыратын дербес деректерді өңдеудің тәртібі мен шарттарын, субъектілердің санаттарын, өңдеу мақсаттарын, қағидаттарын және қауіпсіздікті қамтамасыз ету шараларын айқындайды. Оператор платформалық жұмыспен қамту саласындағы платформаның операторы болып табылады.

1.3. Оператор дербес деректерді өңдеу кезінде адамның және азаматтың құқықтары мен бостандықтарын, оның ішінде Қазақстан Республикасы Конституциясының 18-бабында кепілдік берілген жеке өмірге қол сұғылмаушылық, жеке және отбасылық құпия құқықтарын сақтауды өз міндеті ретінде айқындайды.

1.4. Саясаттың қолданысы Оператордың веб-сайтын («Сайт»), платформасын («Платформа») пайдалануына және шарттар жасасуына байланысты Оператор алатын Пайдаланушылар және өзге де тұлғалар туралы барлық ақпаратқа қолданылады.

2. Терминдер мен анықтамалар

Саясатта мынадай терминдер пайдаланылады:

Сайт — Оператордың teos.info мекенжайында орналасқан веб-парақшасы.

Платформа — Пайдаланушылар, Орындаушылар және Тапсырыс берушілердің өзара әрекеттесуін қамтамасыз ететін, Оператордың «TEOS» бағдарламалық-аппараттық кешені, орналасқан мекенжайы: https://play.google.com/store/apps/details?id=com.teoserp.teos&hl=en.

Оператор — дербес деректерді өңдеуді жүзеге асыратын «UG Аукат» ЖШС.

Пайдаланушы — Платформада тіркелген және осы Келісімге сәйкес Платформаны пайдаланатын кез келген жеке немесе заңды тұлға, сондай-ақ жеке кәсіпкер.

Орындаушы — Тапсырыстарды іздеу және орындау үшін Платформада тіркелген Пайдаланушы. Платформадағы Орындаушылар Қазақстан Республикасының заңнамасына сәйкес қызмет көрсету шарты (азаматтық-құқықтық сипаттағы шарт — АҚС) бойынша әрекет ететін жеке тұлғалар немесе өзін-өзі жұмыспен қамтыған тұлғалар болуы мүмкін.

Тапсырыс беруші — Орындаушылардың қызмет көрсетуі/жұмыстарды орындауы үшін Платформада тапсырыстар орналастыратын Пайдаланушы.

Дербес деректер — белгілі бір немесе айқындалатын дербес деректер субъектісіне тікелей немесе жанама түрде қатысты ақпарат.

Дербес деректерді өңдеу — автоматтандыру құралдарын пайдалана отырып немесе оларды пайдаланбай жүзеге асырылатын кез келген іс-әрекет (операция) немесе іс-әрекеттер жиынтығы.

Дербес деректер субъектісі — мына тұлғалар санатындағы Пайдаланушылар: Орындаушылар, Тапсырыс берушінің өкілі немесе Оператор дербес деректерін өңдейтін өзге де тұлғалар.

Саясат — осы құжат.

3. Дербес деректерді өңдеу мақсаттары

Дербес деректерді Оператор мынадай мақсаттарда жинайды және өңдейді:

Платформаның жұмыс істеуін және оның сервистерін ұсынуды қамтамасыз ету;
Орындаушылар мен Тапсырыс берушілердің өкілдерін тіркеу;
азаматтық-құқықтық және өзге де шарттарды жасасу және орындау;
қызмет көрсету шарттары бойынша Тапсырыс берушілердің өкілдерімен өзара әрекеттесу;
бухгалтерлік есепті жүргізу және Қазақстан Республикасының заңнама талаптарын орындау;
Тапсырыс берушілермен және Орындаушылармен коммуникацияны қамтамасыз ету (хабарламалар, техникалық қолдау, кері байланыс);
Орындаушылардың Платформадағы қызметіне байланысты салықтық және өзге де міндеттемелерді орындау;
қауіпсіздікті және ақпаратты қорғауды қамтамасыз ету;
Сайт пен Платформаның жұмыс сапасын жақсарту.

4. Дербес деректердің санаттары

4.1. Орындаушылардың дербес деректері:

тегі, аты, әкесінің аты;
туған күні;
байланыс деректері (телефон, e-mail);
ЖСН;
жеке басын куәландыратын құжаттың деректері (қажет болған жағдайда);
құқықтық мәртебесі туралы мәліметтер (өзін-өзі жұмыспен қамту, салық салу режимі);
төлемдерді жүзеге асыруға арналған банктік деректемелер;
орындалған тапсырмалар, тапсырыстар және көрсетілген қызметтер туралы деректер;
Платформаның жұмыс істеуіне қажетті өзге де деректер.

4.2. Тапсырыс берушілердің өкілдерінің дербес деректері:

Т.А.Ә., өзі өкілі болып табылатын компанияның атауы, БСН;
лауазымы;
қызметтік байланыс деректері;
шарттарды жасасу және орындау үшін талап етілетін мәліметтер.

4.3. Техникалық деректер:

IP-мекенжай;
cookie файлдары;
Платформадағы әрекеттер туралы деректер;
браузер және құрылғы туралы ақпарат.

4.4. Қолжетімділік режимі бойынша:

жалпыға қолжетімді деректер — субъектінің келісімімен жарияланатын деректер;
қолжетімділігі шектеулі деректер — Қазақстан Республикасының заңнамасына сәйкес қорғалуға жататын деректер.

5. Дербес деректерді өңдеу қағидаттары

Оператор мынадай қағидаттарды басшылыққа алады:

заңдылық және адалдық;
жиналатын деректерді барынша азайту және жеткіліктілік;
қолжетімділігі шектеулі деректердің құпиялылығы;
дербес деректер субъектілерінің құқықтарының теңдігі;
жеке тұлға мен мемлекеттің қауіпсіздігін қамтамасыз ету;
деректерді тек мәлімделген мақсаттар үшін өңдеу.

6. Дербес деректер субъектілерінің құқықтары

Дербес деректер субъектісі:

дербес деректерді өңдеу фактісі, мақсаттары, тәсілдері және дереккөздері туралы ақпарат алуға;
өзінің дербес деректерін нақтылауды, жаңартуды, түзетуді талап етуге;
заңда көзделген жағдайларда дербес деректерді жоюды немесе құртууды талап етуге;
дербес деректерді өңдеуге берген келісімін кері қайтарып алуға;
Оператордың әрекеттеріне немесе әрекетсіздігіне уәкілетті органға шағым жасауға;
өзінің деректерін өңдеуді шектеуді талап етуге құқылы.

7. Оператордың міндеттері

Оператор:

дербес деректерді Қазақстан Республикасының заңнамасына қатаң сәйкес өңдеуге;
дербес деректердің сақталуын және құпиялылығын қамтамасыз етуге;
қажетті ұйымдастырушылық және техникалық қорғау шараларын қабылдауға;
субъектілердің сұрауы бойынша олардың деректері туралы ақпарат беруге;
өңдеу мақсатына қол жеткізілген кезде немесе субъектінің сұрауы бойынша деректерді өңдеуді тоқтатуға және оларды жоюға;
деректер қауіпсіздігінің бұзылғаны туралы фактілер жөнінде субъектілерді және уәкілетті органды (қажет болған жағдайда) хабардар етуге міндетті.

8. Дербес деректерді өңдеу тәртібі мен шарттары

8.1. Өңдеу мынадай негіздерде жүзеге асырылады:

дербес деректер субъектісінің келісімі;
жасалған шарт;
сот актілерін орындау;
Қазақстан Республикасының заңнама талаптары.

8.2. Өңдеуге автоматтандыру құралдарын пайдалана отырып та, оларды пайдаланбай да жол беріледі.

8.3. Дербес деректерді үшінші тұлғаларға мынадай жағдайларда беруге болады:

Платформаның жұмыс істеуіне қатысатын серіктестерге;
заңды негіздер болған жағдайда мемлекеттік органдарға;
есеп айырысуларды жүзеге асыру үшін банктер мен төлем жүйелеріне;
бухгалтерлік, заңгерлік, клирингтік қызметтер көрсететін ұйымдарға.

8.4. Деректерді трансшекаралық беру Дербес деректер туралы заңның талаптарына сәйкес жүзеге асырылуы мүмкін.

9. Дербес деректерді қорғау жөніндегі шаралар

Оператор мынадай шараларды қолданады:

ақпаратты қорғау құралдарын, оның ішінде антивирустық бағдарламаларды және қорғалған байланыс арналарын пайдалану;
қызметкерлердің дербес деректерге қол жеткізуін шектеу;
қолжетімділікті басқару және бақылау саясаттарын қолдану;
желі арқылы берілетін дербес деректерді шифрлау;
бағдарламалық қамтамасыз етуді тұрақты жаңарту;
нұсқама жүргізу және қауіпсіздік талаптарының сақталуын тексеру;
антивирустық қорғауды пайдалану;
әрекеттерді журналдау және қауіпсіздік мониторингі.

10. Дербес деректерді жинау, сақтау, жаңарту және жою

10.1. Деректерді жинау

Деректер тіркеу, Сайтта немесе Платформада нысандарды толтыру, шарттар жасасу кезінде, сондай-ақ техникалық құралдар арқылы автоматты түрде жиналады.

10.2. Деректерді сақтау және беру

10.2.1. Дербес деректер Қазақстан Республикасының аумағында орналасқан серверлерде немесе Қазақстан Республикасының заңнамасына сәйкес деректерді тиісті қорғауды қамтамасыз ететін елдерде орналасқан серверлерде сақталады.

10.2.2. Дербес деректерді үшінші тұлғаларға беру тек оларды өңдеу мақсаттарына қол жеткізу үшін қажетті көлемде және Қазақстан Республикасының заңнамасында көзделген жағдайларда немесе дербес деректер субъектісінің келісімі болған кезде ғана жүзеге асырылады.

10.2.3. Қызметті жүзеге асыру шеңберінде дербес деректер:

Тапсырыс берушілерге — кандидаттарды қарау және кейіннен қызмет көрсету шарттарын жасасу үшін;
бригадирлерге және жауапты тұлғаларға — жұмысты ұйымдастыру, персоналды есепке алу және бөлу үшін;
өзге де үшінші тұлғаларға — шарттық міндеттемелерді орындауға тікелей байланысты, заңда немесе дербес деректер субъектісімен жасалған шартта тікелей көзделген жағдайларда ғана берілуі мүмкін.

10.2.3. Оператор шарттық міндеттемелерді орындауға және заңды функцияларды жүзеге асыруға байланысты емес өзге мақсаттарда дербес деректерді үшінші тұлғаларға жария етпеуге және бермеуге міндеттенеді, сондай-ақ мұндай үшінші тұлғалардың осы Саясатта көзделгеннен кем емес қатаң дербес деректерді қорғау шараларын қолдануын қамтамасыз етеді.

10.3. Деректерді өзектендіру және түзету

Субъект Оператордың байланыс арналары арқылы деректерді жаңарту немесе түзету туралы сұрау жіберуге құқылы.

10.4. Деректерді жою және құрту

Деректер:

өңдеу мақсаттарына қол жеткізілген кезде;
субъект келісімін кері қайтарып алған кезде;
сақтау мерзімі аяқталған кезде;
Қазақстан Республикасының заңнамасында көзделген өзге де жағдайларда жойылуға жатады.

11. Дербес деректерді өңдеу мерзімдері

Дербес деректер оларды өңдеу мақсаттарына қол жеткізілгенге дейін өңделеді. Оларды одан әрі сақтаудың қажеттілігі болмаған жағдайда, деректер жойылуға жатады.

12. Cookie файлдарын пайдалану

Сервис cookie-файлдарын оның дұрыс жұмыс істеуін қамтамасыз ету, талдау және интерфейсті жекелендіру мақсаттарында пайдаланады.

Міндетті емес cookie-файлдары пайдаланушының келісімімен ғана пайдаланылады. Пайдаланушы cookie-файлдарының параметрлерін кез келген уақытта өзгерте алады.

13. Қорытынды ережелер

13.1. Оператор Саясатқа өзгерістер енгізуге құқылы.

13.2. Саясаттың жаңа редакциясы Сайтта жарияланған сәттен бастап күшіне енеді.

13.3. Дербес деректерді өңдеуге байланысты барлық мәселелерді мына мекенжайға жіберу қажет: Астана қаласы, Қажымұқан көшесі, 12А, кеңсе. Келісімді кері қайтарып алу Оператордың осы электрондық мекенжайына жазбаша хабарлама жіберу арқылы жүзеге асырылады. Егер заңнамада өзгеше көзделмесе, өңдеу 5 жұмыс күні ішінде тоқтатылады.

13.4. Осы Саясат Платформаның Пайдаланушы келісімінің / офертасының ажырамас бөлігі болып табылады.

«UG Аукат» ЖШС